Armand Humbert, KPL Kandidat Bezierk Süden, 54 Joer, Gemengenugestellten
Moien, ech sinn den Armand an ech kandidéiere fir d'KPL, well d'Kommunisten sozial a friddlech denken.
D'KPL fuerdert duerfir wärend de nächsten 10 Joer de néidege Bau vu 50.000 ëffentleche Wunnengen, mat deenen och Aarbechtsplazen am Bausecteur ofgeséchert kënne ginn. D'KPL fuerdert, dass d'Wunnen fir all Mënsch bezuelbar gëtt. D'KPL fuerdert, dass d'Grousskonzerner ausgebremst ginn a Klengbetriber erëm op d'Been kommen. D'KPL fuerdert den direkten STOP vun der nationaler an internationaler Finanzéierung vu Waffen a Militär, fir esou dem Elend an der weltwäiter Hongersnout entgéintzewierken. D'Erhéijung vum Budget, dee geduecht ass, fir ënnerentwéckelt Länner z'ënnerstëtzen, ass dogéint noutwänneg.